ӨНӨӨ  

1. Одоо болж буй цаг хугацаа, энэ цаг мөч: өнөө цаг (одоо цаг), өнөө үе (одоо үе), дэлгэрэнгүй...өнөө бодох (одоо бодох) - Өдөр явсныг шөнө шүүмжил, маргаашийн хэргийг өнөө бод. Д.Равжаа. Зохиолын эмхэтгэл., өнөө орой (энэ орой) - Та өнөө орой очоорой. С.Эрдэнэ. Хонгорзул;

---

2. Өнөөдөр, энэ өдөр: өнөө ирэх (энэ өдөр ирэх), өнөө маргааш [хоршоо] (өнөөдөр болон маргаашийн дотор, удахгүй) - дэлгэрэнгүй...Би нэгэнтээ хорин түмнийг бүртгэж, өнөө маргааш мордох болсныг... В.Инжаннаши. Хөх судар., өнөө маргаашгүй (тун удахгүй) - Даш маань өнөө маргаашгүй ирэх болчихсон юмсан. Д.Мягмар. Уянгын туужууд., өнөө энд, маргааш тэнд [зүйр цэцэн үг] (орон гэргүй тэнүүчлэн амьдардаг гэсэн санаа);

---

3. Өнөөх - Өнөө хүүхэд чинь дахиад муудчихлаа. Л.Түдэв. Манай сургуулийнхан., дэлгэрэнгүй...өнөөх нөгөөх, өнөөх мөнөөх [хоршоо] (урьдын мэдэх зүйлийг заасан нь).

---

• өнөө цаг - одоо цаг
• өнөө үе - одоо үе
• өнөө бодох - одоо бодох
• өнөө орой - энэ орой
• өнөө ирэх - энэ өдөр ирэх
• өнөө маргааш - өнөөдөр болон маргаашийн дотор, удахгүй
• өнөө маргаашгүй - тун удахгүй
• өнөө энд маргааш тэнд - орон гэргүй тэнүүчлэн амьдардаг гэсэн санаа
• өнөөх нөгөөх~өнөөх мөнөөх - урьдын мэдэх зүйлийг заасан нь

Холбогдох зураг одоогоор алга байна.