1. Үзэл санаа, учир явдлаа үг яриа, үсэг бичиг, үйл хөдөлгөөнөөр илэрхийлэх, мэдэгдэх: зоригоо илтгэх дэлгэрэнгүй...(зоригтой гэдгээ харуулах), саналаа илтгэх (саналаа илэрхийлэх), тоогоор илтгэх (тоогоор мэдээлэх);

---

2. Дээд газрын ажлын зорилго, явц байдлыг олонд мэдэгдэх: ажлын байдлаа илтгэх (ажлын байдлаа танилцуулах) - дэлгэрэнгүй...Нөгөө хилчин маань мөрийг шалгаж үзээд өвс налуулсан байдлаас үзвэл хилийн гүн рүү орсон мөр байна гэж илтгэсэн. Г.Дүйнхэржав. Арилшгүй мөр;

---

3. Ямар нэгэн дотоод шинж тэмдгийг харуулах: илтгэн харуулах (илэрхийлэн харуулах);

---

4. Ил болгох, тодорхой болгох, нотолгоо болгох - дэлгэрэнгүй...Энэ өдөр цэргийн эрдмийг олон ноёд болоод лам хувраг, ард олонд илтгэн үзүүлэхээр шийдсэнийг зарлаж цэргүүдийг бэлтгүүлэв. Л.Түдэв. Алтан гадас чигийг заана;

---

5. Хүний сэтгэлийн дотоод байдал нүүр ам зэрэг үйлдлээр мэдэгдэх, илрэн үзэгдэх: үзүүлэх, харуулах - дэлгэрэнгүй...Шазуур зуух нь Дорж даргын үзэн ядах сэтгэл ихэд хөдөлснийг илтгэнэ. П.Хорлоо. Багш;

---

6. Ямар нэг зүйлийг тоочин өгүүлэх, сонсгох - Би тийм уран гоё илтгэж чадахгүй. Н.Банзрагч. Зам., дэлгэрэнгүй...илтгэл илтгэх (тодорхой сэдвийн хүрээнд товч тодорхой ярих, яруу өгүүлэх), илтгэн ярих (тодорхойлон ярих);

---

7. Дээд байгууллага, удирдах хүмүүст албан үүргийнхээ тухай өргөн мэдээлэх - Байдлыг тодорхойлон илтгэж явуулсан. Ц.Дамбадорж. Толбо нуур., ажлаа илтгэх (ажлаа танилцуулах), илтгэх хуудас (албан хэргийг дээд газарт илтгэн бичсэн хуудас) - Тэгтэл бригадуудаас ирсэн бололтой илтгэх хуудсууд гаргаж хийсэн ажлын дүнг нэгтгэн намын хорооны дарга баахан юм ярив. Ч.Алагсай. Алтайн зам;

---

8. Цэргийн албан хаагчаас ахлах дарга нартаа үг айлтган мэдэгдэх: товч тайлагнах -дэлгэрэнгүй... За тэгвэл, нөхөр ахлах дэслэгчид илтгэхийг зөвшөөрнө үү л гэж байх хэрэгтэй болох нь шив. П.Пүрэвсүрэн. Үдийн нар өндөр.

---

• зоригоо илтгэх - зоригтой гэдгээ харуулах
• саналаа илтгэх - саналаа илэрхийлэх
• тоогоор илтгэх - тоогоор мэдээлэх
• ажлын байдлаа илтгэх - ажлын байдлаа танилцуулах
• илтгэн харуулах - илэрхийлэн харуулах
• илтгэл илтгэх - тодорхой сэдвийн хүрээнд товч тодорхой ярих, яруу өгүүлэх
• илтгэн ярих - тодорхойлон ярих
• ажлаа илтгэх - ажлаа танилцуулах
• илтгэх хуудас - албан хэргийг дээд газарт илтгэн бичсэн хуудас

Холбогдох зураг одоогоор алга байна.