1. Хугарсан юм: хугархай бургас (нэгэнт хугарсан бургас) дэлгэрэнгүй...- Гүнчинхорлоо хугархай бургас олж тулаад, нэгэн орой унтахын өмнө гараад орж ирлээ. С.Удвал. Их хувь заяа., хугархай гар (хугарч гэмтсэн гар), хугархай зүү (зүүний хугарсан хэсэг) - Нэгэн өдөр цэргийн хоолон дотор хугархай зүүнүүд орж, түүнийг мэдэлгүй хэд хэдэн цэрэг хоолой амаа уржээ. С.Лочин. Сэтгэлийн өнгө;

---

2. Хугарсан юмны хэсэг, тал, хагас: боов боорцогны хугархай (боов боорцогны хугарсан хэсэг, хэлтэрхий) дэлгэрэнгүй...- Өдөр бүр хэдэн аяга хар цай, боовны хугархай өгөх ба орой ганц хоёр аяга хоол идүүлнэ. Ц.Дамдинсүрэн. Гологдсон хүүхэн., модны хугархай (модны хугарсан хэсэг);

---

3. [шилжсэн] Хугацааны дунд үе, тал хувь: өдрийн хугархай (өдрийн тал) дэлгэрэнгүй...- Ингэж бодоход, өдрийн хугархайн явдалд аяншиж, туйлдсан нялх биенд орогносон сэтгэл хөнгөрч байж билээ. Д.Маам. Тэмээний дууль., үдийн хугархай (үдийн хагас).

---

• хугархай бургас - нэгэнт хугарсан бургас
• хугархай гар - хугарч гэмтсэн гар
• хугархай зүү - зүүний хугарсан хэсэг
• боорцогны хугархай - боов боорцогны хугарсан хэсэг, хэлтэрхий
• модны хугархай - модны хугарсан хэсэг
• өдрийн хугархай - өдрийн тал
• үдийн хугархай - үдийн хагас

Холбогдох зураг одоогоор алга байна.