ТЭВНЭ I  

Эсгий, ул зэрэг зузаан зүйлийг ширж оёход хэрэглэх бүдүүн зүү - дэлгэрэнгүй...Зарим маань ханзарсан гутлаа чийг авч зөөлөрсөн дээр нь оёх гэж гэрэл бараадан майхны үүдэнд сууж дүй муутай гараараа тэвнэ, шөвөг барьж эв хавгүй оёхчоон болно. Д.Мягмар. Газар бид хоёр., сайван тэвнэ (зузаан хөвөнтэй хувцас зэргийг сайван хаваасаар хавахад тохиромжтой нарийвтар тэвнэ), зүү тэвнэ [хоршоо] (юм оёх том, жижиг зүү), зэс тэвнэ (зэсээр хийсэн тэвнэ) - Зэс тэвнэ авч хуга татвал намайг ална. Гэсэр., *сэтэрхий тэвнэ ч авахгүй (юу ч авахгүй, өчүүхэн юмыг ч олзлохгүй) - Дараа өдөр нь Төмөр өнчин хоёр хүүхдээ хөтлөөд гуйлга гуйж явсан нэг хүнд сувай гүү барьж өгөөд сэтэрхий тэвнэ ч авсангүйд ... “хайран гүү” гэж Түгжил бодоод бухимдан уур нь хүрсэн боловч Төмөрт хэлж яахан чадах билээ. Ч.Лодойдамба. Тунгалаг Тамир., тэвнэ хулгайлсан ч хулгайч, тэмээ хулгайлсан ч хулгайч [зүйр цэцэн үг] (их бага нь хамаагүй, хулгай л бол хулгай гэсэн санаа), тэвнэн чинээ нүхээр тэмээн чинээ салхи [зүйр цэцэн үг] (гэр орноо сайн дулаал гэсэн санаа).

• сайван тэвнэ - зузаан хөвөнтэй хувцас зэргийг сайван хаваасаар хавахад тохиромжтой нарийвтар тэвнэ
• зүү тэвнэ - юм оёх том, жижиг зүү
• зэс тэвнэ - зэсээр хийсэн тэвнэ
• сэтэрхий тэвнэ ч авахгүй - юу ч авахгүй, өчүүхэн юмыг ч олзлохгүй
• тэвнэ хулгайлсан ч хулгайч тэмээ хулгайлсан ч хулгайч - их бага нь хамаагүй, хулгай л бол хулгай гэсэн санаа
• тэвнэн чинээ нүхээр тэмээн чинээ салхи - гэр орноо сайн дулаал гэсэн санаа

ТЭВНЭ II