1. Дөрвөлжин хэлбэртэй, дээрээ юм уу урдаа нээлхий хавхагтай, эд юм агуулах гэрийн тавилга - дэлгэрэнгүй...Хар авдарт ном бий, хазгар өвгөнд эрдэм бий. Ц.Дамдинсүрэн. Түүвэр зохиол., авдар онгойлгох (авдрын хавхаг, тагийг нээх), авдар цоожлох (авдар түгжих), авдрын ёроол (авдар савны доод хэсэг), авдрын нүүр (авдар савны өмнө этгээд; хээ хуар гаргаж чимэглэсэн байдаг); авдран сэвэг (бургас мэтээр сүлжсэн юм агуулах сав), мөнгөний авдар (мөнгө хийж хадгалах цоожтой бат бэх төмөр сав), хоймрын авдар (гэрийн хоймрын бурхан тахил тавих модон сав), хөлийн авдар (эхнэр хүний орны хөлд байх эмэгтэй хүний дотуур хувцас хийх жижиг модон сав), авдар хөөрөг (авдар дуурайлган хийсэн нээлхий бүхий бүслүүр, нарийн төмөр хошуутай гал хөгжөөх зориулалттай уран дархны хэрэгсэл), авдар сав [хоршоо] (эд хогшил агуулах хайрцаг) - Хүмүүсийг цуглуулаад авдар савтай юм өчнөөн төчнөөнийг аваачсан гэнэ. Монгол ардын үлгэр., авдар үхэг [хоршоо] (юм агуулах томоохон дөрвөлжин сав) - Тэгээд цааш нь авдар үхэг, аяга суулга гэрийн хэрэглэл болдог. Алтай хайлах., авдар ховд [хоршоо] (юм агуулах хайрцаг сав), *авдар толгойтой (дөрвөлжиндүү гэмээр зантгар толгойтой), *айдгийгаа авдартаа хийх (санаж бодсон болон хийж байгаа зүйлээ дуусгах, ажил хэргээ амжилттай бүтээх, санаа зовох юмгүй болох) - Айдгийгаа авдартаа хийж авч л байна даа гэж хүргэндээ ярих дуртай Бандиа сумын төв орохоор... намгархаг замаар өгсөж явлаа. Д.Найманжин. Оломгүй далай., айлаас эрэхээр, авдраа уудал [зүйр цэцэн үг] (хүнээс гуйхыг бүү урьтал болголгүй өөрт байгаа боломжийг сайн судал гэсэн санаа), алтыг нь аваад авдрыг нь хаях [зүйр цэцэн үг] (өөрт хэрэгтэйгээ аваад бусдыг нь үл тоох, хөсөр хаях гэсэн санаа), авдар муудвал аргал хийнэ, азарга муудвал агт хийнэ [зүйр цэцэн үг] (юмны чанар муудсан ч өөр зүйлд хэрэглэж болно гэсэн санаа), авдар дүүрэн алт байвч, аюулхай дүүрэн эрдмийг гүйцэхгүй [зүйр цэцэн үг] (эрдэм мэдлэг эд бараанаас илүү чухал гэсэн санаа);
2. Авдартай төстэй:
авдар архи (жижиг таславч бүхий хайрцагт олноор нь хийсэн шилтэй архи),
Авдран сэвэг (зэгс
дэлгэрэнгүй...бургас зэргээр авдрын хэлбэртэй гөрсөн эд бараа агуулах сав).
