ЗАЖЛАХ  

1. Идэх юмыг шүдээр хазаж няцчих: бохь зажлах (бохь хэвэх) - дэлгэрэнгүй...Бохь зажлан шад шад дуугаргаж байснаа шүлсээ хаяв. М.Чимид. Алтан номын үсэг., мах зажлах (мах хазлан байх), зайдалж унах морьтой, зажилж идэх махтай [зүйр цэцэн үг] (амин тэжээлтэй, хүрэлцэх эд хөрөнгөтэй гэсэн санаа), зажлахаа залхуураад зангирч үхэх [зүйр цэцэн үг] (хийвэл зохистой ажлаа хийхгүй байснаас их хохирол амсах гэсэн санаа), *зажлалгүй залгих (а. Юмыг бүхлээр идэх; б. Үг ч дуугаргалгүй дийлэх; в. Аливаа үйлийг амар хялбар хийж гүйцээх гэсэн санаа) - Зажлалгүй залгих санаа эдний ноёдод их бий. Ж.Пүрэв. Гурван зангилаа., *хэлээ зажлах (согтох) - Зарим нь сайхан улаан зээрд оргиод ихэнх нь хэлээ зажилсан сайхан зантай харагдана. Б.Бааст. Алтайн хөх дөнөн;

---

2. Хайч зэргийн ир муудаж огтолж байгаа юмаа хэгэх: хайч зажлах (хайч даахгүй байх, хайч толхих);

---

3. [шилжсэн] Хүнийг далдуур буруушаан хэлэлцэх: зажилж ярих (далдуур муулах).

---

• бохь зажлах - бохь хэвэх
• мах зажлах - мах хазлан байх
• зайдалж унах морьтой, зажилж идэх махтай - амин тэжээлтэй, хүрэлцэх эд хөрөнгөтэй гэсэн санаа
• зажлахаа залхуураад зангирч үхэх - хийвэл зохистой ажлаа хийхгүй байснаас их хохирол амсах гэсэн санаа
• зажлалгүй залгих - а. Юмыг бүхлээр идэх; б. Үг ч дуугаргалгүй дийлэх; в. Аливаа үйлийг амар хялбар хийж гүйцээх гэсэн санаа
• хэлээ зажлах - согтох
• хайч зажлах - хайч даахгүй байх, хайч толхих
• зажилж ярих - далдуур муулах

Холбогдох зураг одоогоор алга байна.