ДАРАМ II  

Алга, хуруу дарж хүрэлцэх талбайн хэмжээ: алга дарам (а. Алга дарж хүрэлцэх хэмжээ; б. Өчүүхэн бага) дэлгэрэнгүй...- Алга дарам газраа ч өгөхгүй. С.Пүрэв. Эргүүлэг., - Нийт буриад түмэн оршин суудаг их нутгийн алга дарам өнцөг төдий билээ. Б.Нямаа. Арандалынхан., өндөг дарам (хурууны өндөгний хэрийн хэмжээ) - Балтын хормойн үрчлээн дотор унасан оч дээлийнх нь гадар өнгийг түлж өндөг дарам газар хүрэн толбо үлдээв. Б.Нямаа. Арандалынхан., хуруу дарам (а. Хуруу дарж хүрэлцэх хэмжээ - Цагаан хашин соруултай гаансаа хомхойрон сорох бүр хоёр хацар нь хуруу дарам хонхойж, хамраар нь цэнхэр утаа суунаглан гарна. П.Хорлоо. Багш; б. Хуруу дарж тоолмоор цөөхөн).

• алга дарам - а. Өргөнөөрөө нэгэн алгын хэр хэмжээтэй; б. Өчүүхэн жижиг - Малын хашаа, агтны жүчээ, төмс ногооны талбайг тойруулан алга дарам газар ч үлдээлгүй өтөг бууцаар бордож, өвс хадлан ургуулна. Б.Нямаа. Арандалынхан
• өндөг дарам - хурууны өндөгний хэрийн хэмжээ
• хуруу дарам - а. Хуруу дарж хүрэлцэх хэмжээ; б. Хуруу дарж тоолмоор цөөхөн

ДАРАМ I

ДАРАМ III