ДААЛИН I  

1. Элдэв ганзагалааны зүйл агуулан эмээлийн араар даруулахад зориулан булигаар, хөм, зузаан бөсөөр хийсэн, дундаа дэлгэрэнгүй...амсартай, хоёр талд нь юм агуулах том богц; ачмаг, бөгтлөг: даалин тохох (даалинг унаа, морь малын хоёр тал руу тэнцүү унжуулан бөгтөргөх), даалинд хийх (даалигнах), даалингаа ганзагалах (даалинг эмээл дээгүүр бөгтөргөн ганзаганд бэхлэх) - Аав минь намайг үнсээд, даалингаа аваад гарч одов. “Цог” сэтгүүл; даалингийн үдээс (даалингийн амыг үдэж боох уяа дээс), булигаар даалин (булигаар ширээр хийсэн даалин), савхин даалин (савхиар хийсэн даалин), *даалин хацар (хүүхдийн цүлхийж унжсан махлаг том хацар), даалин хацартай хүүхэд (унжгар том хацартай хүүхэд);

---

2. Хөөрөг агуулах торгомсог эдээр хийсэн уут; даалиар: жижиг даалин (бага хэмжээний даалин), дэлгэрэнгүй...хоргой даалин (хоргойгоор хийсэн даалин), хөөргөний даалин (дотор нь хөөрөг хийж агуулах даалин уут) - Хоргой даалингаасаа том хөөрөг гарган тамхилав. Д.Намдаг. Түүвэр зохиол., даалин сав [хоршоо] (богц сав), далдын далд, даалингийн ёроолд [цэцэн зүйр үг] (далд буй зүйл амар хаягдаж гээгдэхгүй, нууц зүйл хялбар ил гарахгүй чанд сайн хадгалагдаж буй гэсэн санаа).

---

• даалин тохох - даалинг унаа, морь малын хоёр тал руу тэнцүү унжуулан бөгтөргөх
• даалинд хийх - даалигнах
• даалингаа ганзагалах - даалинг эмээл дээгүүр бөгтөргөн ганзаганд бэхлэх
• даалингийн үдээс - даалингийн амыг үдэж боох уяа дээс
• булигаар даалин - булигаар ширээр хийсэн даалин
• савхин даалин - савхиар хийсэн даалин
• даалин хацар - хүүхдийн цүлхийж унжсан махлаг том хацар
• даалин хацартай хүүхэд - унжгар том хацартай хүүхэд
• жижиг даалин - бага хэмжээний даалин
• хоргой даалин - хоргойгоор хийсэн даалин
... үргэлжлүүлэн харах ...
хөөргөний даалин - дотор нь хөөрөг хийж агуулах даалин уут
даалин сав - богц сав
далдын далд, даалингийн ёроолд - далд буй зүйл амар хаягдаж гээгдэхгүй, нууц зүйл хялбар ил гарахгүй чанд сайн хадгалагдаж буй гэсэн санаа

---

Ижил үг

ДААЛИН II