1. Хийж гүйцэтгүүлэхээр тушааж өгсөн үүрэг: даалгавар авах (бие даан гүйцэтгэхээр үүрэг авах)дэлгэрэнгүй... - Чухам ямар даалгавар хэнээс авснаа ч Баасан ярьсангүй. Л.Түдэв. Нүүдэл., - Мичид Хүрлээ хоёрыг сумын даргаас даалгавар аваад захиргааны гэрээс гарахад нар жаргах дөхөж уулын орой дээгүүр дөнгөж цухуйж байлаа. П.Хорлоо. Багш., даалгавар биелүүлэх (үүргийг ёсоор гүйцэтгэх), даалгавар гүйцэтгэх (тушаал, заавар биелүүлэх), хариуцлагатай даалгавар (алдаа эндэгдэл гаргаж болшгүй чухал даалгавар) - Хэсгийн захиргаа, олон нийтийн байгууллага, надад өнөөдөр хариуцлагатай даалгавар өглөө. С.Лочин. Сэтгэлийн өнгө., хатуу даалгавар (заавар журмыг чанд баримтлан гүйцэтгэх шаардлагатай даалгавар), хэцүү даалгавар (биелүүлэхэд түвэгтэй даалгавар, хүнд даалгавар), үүрэг даалгавар [хоршоо] (гүйцэтгэхээр хариуцан авсан ажил, амлалт) - Сандаг намын хороо дуудаж байгаа болохоор их чухал үүрэг даалгавар өгөх нь дээ гэж тэмдэглэлийнхээ дэвтрийг авч, үзэгнийхээ бэхийг шалгаж үзээд өрөөнөөсөө гарав. П. Сандуйжав. Дэгээ;
2. Бие даан хийх дасгал:
даалгавар өгөх (чөлөө заваараа бие даан хичээллэх үүрэг өгөх, бие даан хийх дасгал ажлыг зааж өгөх) -
дэлгэрэнгүй...Ийм цас Дорноговьд унавал ч дүүрэх нь тэрээ гэж нэгдлийн хашрууд хэлсэн чинь Намжил дарга “Нээрээ ч тийм юм уу даа” гэж бодоод аймаг орох тухай үүрэг даалгавар өгөхөөр өвгөн Балданг дуудуулав. Л. Түдэв. Агаарын нүүдэл., даалгавар хийх (сурагч гэрийн даалгавар хийх, дасгал ажиллах), гэрийн даалгавар (гэртээ хийх дасгал ажил) - Заримдаа хичээлээс хожимдох, нэг хоёр цагаар таслах, гэрийн даалгавар хийлгүй ирэх нь манай ангид байсан л даа. С.Лочин нар. Галтай залуу нас., зуны даалгавар (суралцагчдын зуны амралтаараа хийх ажил) - Бид хоёр сургуулийнхаа амралтаар хонины бэлчээр, мал усалж явах үедээ хааяа тааралдаж, зуны даалгавар, уншсан ном, сурсан дуу шүлэг гээд бүх л юмаа сонин болгон ярилцана. С. Зэвсэг. Айлын бүсгүй., захиа даалгавар [хоршоо] (заавал дагаж мөрдөхийг сануулан хэлсэн захиас) - Та бүгдийн захиа даалгавар ч тийм байгаа гэж боддог. Ж.Пүрэв. Гурван зангилаа.
