1. Юмыг адил тэгш болгох - Хүмүүст сумыг тэгшитгэн хувааж өгөв. Г.Дүйнхэржав. Арилшгүй мөр., алба тэгшитгэх (алба адил ноогдуулах), тоог тэгшитгэх (тоог тэнцүүлэх), үнийг нь тэгшитгэх (адил үнэтэй болгох), алба тэгшитгэх [хуучирсан] (Манж Чин улсын үед Халхын дөрвөн аймгийн сум эр өссөн хорогдсоныг хянан үзэж, эр хорогдсон аймгаас алба хасах буюу хөнгөтгөх, эр нэмэгдсэн, алба ноогдуулаагүй сул эр бүхий аймагт нэмэн ноогдуулдаг байсан алба);

---

2. Эмхлэх, журамлах, зохицуулах: төлөвлөх тэгшитгэх [хоршоо] (зохицуулах, тохируулах, төлөвлөгөөний дагуу журамлах, цэгцлэх), эмхлэх тэгшитгэх [хоршоо] (зохицуулах, журамлах, эмх цэгцэнд нь оруулах);

---

3. Илүү дутуу, хазгай муруйг нь засах, тэгшлэх: тэгшитгэж авах (тэгшилж авах), тэгшитгэж оёх (тэгшилж оёх), тэгшитгэж хайчлах (тэгш болгон хайчлах).