1. Бурхны шашны дурсгалын хөшөө, үнэт зүйл агуулах уран барилгын нэг төрөл;

---

2. Дөрвөлжин, дугуй, хагас дугуй, гурвалжин, соёмбо зэргийг давхарлан үелүүлж босгосон сүм хийдийн тахил мөргөлийн шүтээн - Хэд хэдэн өндөр цагаан суварга бусдаас онцгой үзэгдэнэ. Д.Дожоодорж. Зүүний сүвэгч., суварга босгох (шашны ёсны дурсгалын шүтээн босгох) - Манай ар газар овоо баймаар л газар заавал нэг суварга босгосон байдаг юм. Б.Ринчен. Өмнө этгээдэд зорчсон тэмдэглэл., суварга бүтээх (суварга босгох) - Тэр үеэр Дамбийжанцан өөртөө зориулан наян тохой суварга бүтээлгэхээр ард олноос татвар татсан. С.Дашдэндэв. Улаан наран., чулуун суварга (чулуугаар хийсэн суварга), сүм суварга [хоршоо] (шашны зан үйл, ном уншлага хурах газар болон дурсгалын шүтээн) - Тэр үест мөн өндөр үзэсгэлэнтэй сүм суварга, орон хийд хүрээ гандан гэдэг зузаан их орон суурин байсан бөлгөө. С.Буяннэмэх. Түүвэр зохиол., *хөндий суваргаа бүтээх (амиа тэжээх);

---

3. Суварга хэлбэртэй юм: суварган цэнхэр уул (суварга хэлбэртэй цэнхэрлэн харагдах уул), суварган цэцэг [ургамал] (иш нь богино, салаа ихтэй, навч нь дэвүүр хэлбэртэй цэцэг нь том, хонх хэлбэртэй хөхөвтөр өнгөтэй, гүн бор эрээн судалтай, хонгорцогт жимс нь уртавтар шоролжин хэлбэртэй олон наст өвс).