Сарлагийн омруу, хэвлий дагуу ургасан урт хялгас үс: саваг сайтай (сарлаг омруу болон хэвлийдээ үс хялгас ихтэй), саваг үс (сарлагийн хэжлүүрийг дагаж ургасан болон биеийн бусад хэсгийн үс хялгас) - Саваг үсэндээ халууцсан сарлагууд хэлээ унжуулан шүлсээ гоожуулсаар ирж явав. Л.Түдэв. Уулын үер., саваг сүүл [хоршоо] (сарлагийн омруу, хэвлийг бүрхсэн болон сүүлний урт үс хялгас) - Саваг сүүлээ сагсалзуулсан сарлагийн бух шиг сүржин инээдтэй харагдана. Ц.Уламбаяр. Зовлон жаргал.