Намаг чийгтэй газар ургадаг иш нь гурван талтай, навч нь нарийн, цэцэг нь баг багаар ургана, хавар эрт цэцэглэдэг, төрөл зүйл олон - Хүн бүхэн өлөн өвс зулгааж... хоолоо идэхээр сууцгаав. Б.Нямаа. Арандалынхан., голын өлөн (гол дагуу ургасан өлөн өвс) - Голын өлөн ногоон хөвдөд дарагдсан. Б.Бааст. Алтайн цэцэг., намгийн өлөн (намагт ургасан өлөн өвс), өлөн сахал [ургамал] (дугтуйлан ургасан жижиг хайрст навчтай бүрхүүл бүхий ургамал цахилдагтай адилавтар, сөөхий гуталд дэвсэнэ), өлөн хутгуур [амьтан] (чийгтэй газар төрнө, цууцлайтай адил бөгөөд том толгой, жигүүр, сүүл цөм бараан, өвчүү цагаан нэг зүйл шувуу), өндрөөс буусан үер, өлөнд ноцсон гал [зүйр цэцэн үг] (өндөр газраас бууж буй үер чимээ, хүч ихтэй, өлөн өвсөнд авалцсан гал унтрахад хэцүү гэсэн санаа), өлөн өвс ургасан газар тариа бүү тарь, үгэндээ эзэн болохгүй хүнтэй арилжаа бүү хий [зүйр цэцэн үг] (өлөн өвс ургасан газар тариа ургадаггүй, хэлсэн ярьснаасаа буцамтгай хүнтэй наймаа арилжаа хийхэд түвэгтэй гэсэн санаа).