Газрын байдал огцом өндөр: өгсүүр даваа (дээшлэх тусам улам өндөр болж байгаа даваа), өгсүүр зам (огцом өндөрссөн зам) - Зарь нь өгсүүр газар амьсгаадан... сүүлээ өргөнө. Л.Дашням. Бурхантын цэцэг., газрын өгсүүр (газрын өндөрлөг хэсэг) - Зуны улиралд ямааг газрын өгсүүр салхин сөрөг бэлчээн... хариулахад тохиромжтой. Ж.Самбуу. Мал маллагааны арга туршлага., өгсүүр хэвгий [хоршоо] (өндөр, налуу байдал) - Өгсүүр хэвгий цастай мөстэй зам шүү дээ. Б.Бааст. Алтайн цэцэг.