1. Хос юмны үзүүр хоёр тийш мурийн далийсан байдал: олиу эвэр (эврийн үзүүр хоёр тийш мурийсан нь), олиу солиу [хоршоо] (а. Хос юмны үзүүр эв хавгүй, ийш тийш гажиж мурийсан байдал - Тийнхүү мориноос бууж, тэдний цэргийн хөл ба морины мөрийг үзвээс үнэхээр олиу солиу болж, маш самуун болжээ. В.Инжаннаши. Хөх судар; б. [шилжсэн] Буруу зөрүү), олиу солиу хэлэх (буруу зөрүү хэлэх), оонын эвэр олиутай солиутай, олон хүн наргиантай шуугиантай [зүйр цэцэн үг] (оонын эвэр өөр хоорондоо адилхан байдаггүй, хүн олон байвал хөгжөөн шуугиан их гэсэн санаа);