1. Хөдөлгөөн удаан, амгалан тайван: налгар хүн (а. Тайван, амгалан хүн; б. Залхуу хойрго хүн) - Баахан томоотой нь дэндсэн налгар, заримдаа залхуу ч юм шиг авхаалж самбаа муутай хүн байсан юм. П.Лувсанцэрэн. Хөдөөгийн дуун., налгар тайван [хоршоо] (‎санаа зовох, яарах зүйлгүй амгалан байдал);

---

2. Залхуу хойрго зан байдал;

---

3. Дулаан, тогтуун, тааламжтай: налгар өдөр (нартай дулаан, хур тунадас, бороо салхигүй тогтуун өдөр) - Намрын налгар шаргал говь гэгч чухамхүү ертөнцийн чимэг ээ!. С.Эрдэнэ. Говийн хүү Ухаадай, алтан эвэрт гунан улаан угалз хоёр;

---

4. Тавиун, уужим: налгар хөндий (тэ‎гш тавиун хөндий газар), налгар тавиун [хоршоо] (а. Уудам, тэнэгэр; б. Тогтуун);

---

5. Тогтуун, тайван: налгар тогтуун [хоршоо] (тайван, амар амгалан) - Тэрчлэн өдрийн хариулгаар бэлчээртээ налгар тогтуун идээшилнэ. Ж.Самбуу. Мал маллагааны арга туршлага;

---

6. Налчгар: магнай нь гэдрэгээ налгар (магнай нь гэдрэгээ налчгар);

---

7. [шилжсэн] Эд хөрөнгөтэй, цэвэр цэмцгэр байдал - Эднийх ч сайхан налгар айл шүү. Яриа.