ТӨДИЙ  

1. Юмны хэр хэмжээг багцаалсан үг: төдий сайн бус (тийм ч сайн биш), дэлгэрэнгүй...төдий том биш (тийм ч том биш, харьцуулж буй зүйлээс томгүй), төдий хэрээр (тэр хэрээр);

---

2. Тэдгээр зүйлийн тоо, хэмжээг барагцаалан заах үг: төдий чинээ (тэр чинээ), өчүүхэн төдий (өчүүхэн ч гэсэн) - дэлгэрэнгүй...Улс төр олон түмнийг өчүүхэн төдий ч бодохгүй нь илэрхий болой. С.Буяннэмэх. Түүвэр зохиол., төдий цөөн биш (тийм ч цөөн биш); өдий төдий [хоршоо] (тоо хэмжээ тодорхой бус боловч маш олон) - Өдий төдий уранхай ноорхой, халтар цоохор хувцастай хөгшин залуу, эр эм гуйлгачин хүүхэд шуухадтайгаа цуглаж цав түгээл идэцгээв. Б.Ринчен. Гүнж;

---

3. Даруй, удалгүй, тийм ч: төдий удалгүй (нэг их удалгүй, тийм ч их удалгүй) - дэлгэрэнгүй...Төдий удалгүй шадар сойвонгууд ирж Богд эзнээ түшин дээд давхарлагт нь гаргаж мутар тэргүүнийг нь шавдан рашаагнав. С.Дашдэндэв. Улаан наран., төдий холгүй (тийм ч холгүй, асар холгүй);

---

4. Ямар нэг зүйлээр хязгаарлах - дэлгэрэнгүй...Ховд Улиастайд суусаар байгаа консул нь ямар ч эрх мэдэлгүй нэр төдий зүйл болоод бие хамгаалах цэрэг нь буцсан тул оргодол иргэд яах учраа олохгүй сандрах боллоо. Л.Түдэв. Улаан долгион., тайлбарлах төдий (зөвхөн тайлбар хийснээр хязгаарлах).

---

• төдий сайн бус - тийм ч сайн биш
• төдий том биш - тийм ч том биш, харьцуулж буй зүйлээс томгүй
• төдий хэрээр - тэр хэрээр
• төдий чинээ - тэр чинээ
• өчүүхэн төдий - өчүүхэн ч гэсэн
• төдий цөөн биш - тийм ч цөөн биш
• өдий төдий - тоо хэмжээ тодорхой бус боловч маш олон
• төдий удалгүй - нэг их удалгүй, тийм ч их удалгүй
• төдий холгүй - тийм ч холгүй, асар холгүй
• тайлбарлах төдий - зөвхөн тайлбар хийснээр хязгаарлах

Холбогдох зураг одоогоор алга байна.