1. Ачиж зөөх юм: ачаа ачигч (ачаа, тээшийг машин, тэргэнд тэнцүүлж тохируулан ачдаг хүн), дэлгэрэнгүй...ачаа байлах (а. Ачааг тэнцүүлж жишиж хүлэх; б. Ачаа барааг нягтлан тоолж шалгах), ачаа дарах (тэмээний ачаа хэлтийвэл нэг хүн доошилсон ачаанаас өргөж, нэг хүн дээшилсэн ачаанаас чагтгалан тэгшлэх), ачаа жиших (ачааг хүнд хөнгөнөөр нь тэнцүүлэн ачихад бэлтгэн баглах), ачаа суух (шөрөглөсөн ачаатай тэмээнээс нэг нь бурантгаа сугалж аваад үлдэх), ачаа тээвэрлэлт (ачаа тээх үйл ажиллагаа), ачаа харгах (хоёр тэмээ ачаагаа мөргүүлж эвдэх, хэмхлэх), ачаа хөглүүлэх (ачаа ачсан тэмээ мал туйлж ачаагаа унагах, чирч давхих), ачаа хэлтийх (тэгнэсэн ачаа нь нэг тал руугаа хазайх), ачаа эргэлт (тээврийн ажлын үндсэн үзүүлэлт, ачааг тодорхой хугацаанд тээвэрлэсний тн/км-ийн нийлбэр), ачааны гааль (ачаанаас авах хураамж), ачааны даатгал (ачааг бүрэн бүтэн нэвтрүүлэх баталгаат бичиг баримт), ачааны өргүүр (ачаа өргөх үечилсэн автомат ажиллагаатай машин), ачааны татлага (тээш баглах сур дээс), ачааны хөлс (ачааны үнэ хөлс), ачааны багтаамж (ачаа тээвэрлэх хэрэгслийн тээврийн нийт багтаамж), ачааны морь (тэрэгний морь, тэргэнд хөллөж ачаа зөөх морь), ачаа бараа [хоршоо] (а. Ачиж тээвэрлэсэн эд зүйл; б. Аян замд авч яваа юм) - Жинчдийн ачаа бараа буулгахаар орсон юм. А.Дашням. Хүрэндэлтийн хүүхэн., ачаа боодол [хоршоо] (боож багласан бараа) - Уналга морьдыг нэгэн дараагаар эмээллэж, ачаа боодлыг агшин зуур төхөөрөв. Замлин Сэнчиний намтар оршив., ачаа татлага [хоршоо] (бараа тээш болон түүнийг хүлж бөхлөх уяа) - Түрүүний тэмээний сүүл дараагийн хамар цохиж, ачаа татлага цугаар ар тийшээ гүйнэ. Шүлэгч Лувсандондовын бүтээл., ачаанд татлага хэрэгтэй, ажилд дадлага хэрэгтэй [зүйр цэцэн үг] (ажлыг дадлагаар сурдаг гэсэн санаа), ачаа тэгнээ [хоршоо] (боож, баглаж тэнцүүлсэн ачаа бараа), ачаа тээвэр [хоршоо] (ачаа барааг тээвэрлэх ажиллагаа), ачаа тээш [хоршоо] (а. Ачиж тээхээр бэлдсэн зүйл; б. Аян замд авч яваа эд зүйл) - Чингис хаан хөвгүүддээ ачаа тээш өгчээ. Лувсанданзан. Алтан товч., ачаа хош [хоршоо] (ачаа болон бусад зүйл) - Ачаа хошоо явуулчихаад өөрийн биеэр ир гэв. Монгол ардын баатарлаг тууль., ачаа хөсөг [хоршоо] (ачиж тээсэн юм) - Ачаа хөсгөө янзалж, аян замдаа зэхжээ. Монгол ардын баатарлаг тууль., ачаа хэрэгсэл [хоршоо] (ачаа болон бусад эдэлж хэрэглэх зүйл) - Үлдсэн цэргийг дагуулж аван, олон ачаа хэрэгслийг хураав. Замлин Сэнчиний намтар оршив., *сүүлийн тэмээний ачаа хүнд (юмны төгсгөл шувтарга нь хэцүү, сүүлд оногдсон үүрэг хүнд, хамгийн сүүлд оногдох юмны хувь хэмжээ их гэсэн санаа), *шаранд ишигний ачаа ачих (аливаа зүйлийн тэнцвэргүй байдал), тэнгүй ачаа тэмээ малын зовлон, тэнцвэргүй амраг сэтгэл санааны зовлон [зүйр цэцэн үг] (а. Юмны тэнцвэрийг тааруулах нь чухал; б. Өөрт тохирсон ханиа ол гэсэн санаа);
2. Юм ачсан хөсөг:
ачаа хөдлөх (ачаа бараа тээсэн хөсөг хөдлөх),
ачаа хөтлөх (ачаатай мал тэмээгээ хөтлөх),
дэлгэрэнгүй...ачааны вагон (ачаа ачих вагон), ачааны машин (ачаа зөөх тэвштэй машин), ачааны онгоц (ачаа зөөх онгоц), ачааны тэрэг (юм ачих том тэрэг), ачаа хөсөг [хоршоо] (ачиж тээсэн юм) - Энэ Магсаржав ачаа хөсгөө алдаад очвол бүх аймаг хошуугаар зар тарааж, намайг бариад авна. С.Удвал. Их хувь заяа;
3. Аян замд авч яваа эд зүйл:
гар ачаа (тээврийн хэрэгслээр зорчигчдын биедээ авч явах ачаа);
4. [шилжсэн] Үүрэг, хариуцлага:
ачаа үүрэх (үүрэг хүлээх) -
дэлгэрэнгүй... Аймтгай бодол нь залуу эрийн зүрхийг дааж ядам хүнд ачаа болон дарж байв. Д.Маам. Тэмээний дууль.
- ачааны морь - тэрэгний морь, тэргэнд хөллөж ачаа зөөх морь
- ачаа ачигч - ачаа, тээшийг машин, тэргэнд тэнцүүлж тохируулан ачдаг хүн
- ачаа байлах - а. Ачааг тэнцүүлж жишиж хүлэх; б. Ачаа барааг нягтлан тоолж шалгах
- ачаа дарах - тэмээний ачаа хэлтийвэл нэг хүн доошилсон ачаанаас өргөж, нэг хүн дээшилсэн ачаанаас чагтгалан тэгшлэх
- ачаа жиших - ачааг хүнд хөнгөнөөр нь тэнцүүлэн ачихад бэлтгэн баглах
- ачаа суух - шөрөглөсөн ачаатай тэмээнээс нэг нь бурантгаа сугалж аваад үлдэх
- ачаа тээвэрлэлт - ачаа тээх үйл ажиллагаа
- ачаа харгах - хоёр тэмээ ачаагаа мөргүүлж эвдэх, хэмхлэх
- ачаа хөглүүлэх - ачаа ачсан тэмээ мал туйлж ачаагаа унагах, чирч давхих
- ачаа хэлтийх - тэгнэсэн ачаа нь нэг тал руугаа хазайх
... үргэлжлүүлэн харах ...
Ижил үг
