НҮДЭХ  

1. Нүдүүрээр дэлдэж няцлах, нунтаглах: борц нүдэх (борцоо нүдүүрээр нүдэн няцлах) - дэлгэрэнгүй...Дархан Санги хөдөөнөөс авчирсан өвлийн хөх борцоо нүдэж дэвтээн бага зэрэг хуршмал аятайхан үнэртэй хоол хийв. С.Эрдэнэ. Миний эх орон миний тоонот., будаа нүдэх (будааг нүдүүрээр дэлдэж цайруулах) - Урьд долоон настай байхдаа мэргид иргэнд баригдаж... мэргидийн газар будаа нүдэж амьдарч явав. Монголын нууц товчоо;

---

2. Ихэд зодож занчих: зодож нүдэх (ихэд зодож цохих) - дэлгэрэнгүй...Эхнэр хүүхнүүдийн уйлаан орилоон газар тэнгэрт хадаж заримыг зодож нүдэж гэр орноор нь сүйтгэн татан буулгаж байв. С.Удвал. Их хувь заяа., морио толгой түрүүгүй нүдэх (мориныхоо толгой руу ихэд цохиж жанчих) - Бархас уурласандаа үг хэлгүй муухай орилоод морио толгой түрүүгүй нүдэж ой руу давхив. С.Эрдэнэ. Өгүүллэгүүд., мод чулуугаар нүдэх (ямар нэг зүйлийг чулуу мод зэргээр дэлдэх);

---

3. Цохих, балбах: хаалга нүдэх (хаалга хүчтэй цохих), бөмбөг нүдэх (бөмбөг цохин тоглох) - дэлгэрэнгүй...Үдээс хойш төвийн хэдэн залуустай бөмбөг баахан нүдэж байгаад нуурын хөвөөн дэх эмнэлгийн байрын зүг алхална. Д.Цэдэв. Айргийн амт.

---

• борц нүдэх - борцоо нүдүүрээр нүдэн няцлах
• будаа нүдэх - будааг нүдүүрээр дэлдэж цайруулах
• зодож нүдэх - ихэд зодож цохих
• морио толгой түрүүгүй нүдэх - мориныхоо толгой руу ихэд цохиж жанчих
• мод чулуугаар нүдэх - ямар нэг зүйлийг чулуу мод зэргээр дэлдэх
• хаалга нүдэх - хаалга хүчтэй цохих
• бөмбөг нүдэх - бөмбөг цохин тоглох

Холбогдох зураг одоогоор алга байна.