НӨМРӨГ I  

1. Хувцасны гадуур нөмрөх давхац өмсгөл - дэлгэрэнгүй...Бага үд өнгөрч байхад Бакич цэргийнхээ өмнө цагаан морь унаж, хар нөмрөг өмсөөд сүртэй гарч иржээ. Ч.Лодойдамба. Тунгалаг Тамир., борооны нөмрөг (борооноос хамгаалж өмсдөг давхац цув), нөмрөг бүрхүүл [хоршоо] (хувцасны гадуур нөмрөх өмсгөл болон юмыг бүтээж халхлах хэрэглэл) - Яаран борооны шүхэр халхавч ба нөмрөг бүрхүүлийг нь авч ирэн нөмөрмүй хэмээхэд хаан нөмрөггүй өгүүлрүүн. В.Инжаннаши. Хөх судар;

---

2. Араг үүрэхэд мөрөндөө өмсөх ууж: нөмрөг торго (эмэгтэй хүний мөрөн дээрээ тавьдаг нимгэн торго);

---

3. Хатад дээлийнхээ гадуур нөмрөх гоёлын хувцас: эрээн хоргой нөмрөг (эрээн хоргойгоор хийсэн гоёлын хувцас) - дэлгэрэнгүй...Хатан ахай түнтгэр мөртэй уужныхаа гадуурх хөх хамбан өнгөтэй хурган нөмрөгөө чиргүүлэн очоод мориныхоо цулбуурыг... авлаа. З.Баттулга. Уяхан Замбуутив;

---

4. Салхи шуурганаас хамгаалж хашаа хороонд нөмөргөдөг эсгий, юм;

---

5. [шилжсэн] Газар дэлхийн бүрхүүл, хуниас: алтан нөмрөгөө нөмрөх [зүйр цэцэн үг] (мод ургамал гандан алт мэт өнгөтэй болох) - дэлгэрэнгүй...Хан уулын их тайга алтан нөмрөгөө нөмөрч, би ч олз омог ихтэй явлаа. С.Эрдэнэ. Хонгор зул., нөмрөг таримал [ургамал] (хөрс шороог бүрхэж хамгаалах зорилгоор налуу газар, хужирлаг газарт тарьсан том үндэстэй, сахлаг иш, навчтай ургамал).

---

• борооны нөмрөг - борооноос хамгаалж өмсдөг давхац цув
• нөмрөг бүрхүүл - хувцасны гадуур нөмрөх өмсгөл болон юмыг бүтээж халхлах хэрэглэл
• нөмрөг торго - эмэгтэй хүний мөрөн дээрээ тавьдаг нимгэн торго
• эрээн хоргой нөмрөг - эрээн хоргойгоор хийсэн гоёлын хувцас
• алтан нөмрөгөө нөмрөх - мод ургамал гандан алт мэт өнгөтэй болох
• нөмрөг таримал - хөрс шороог бүрхэж хамгаалах зорилгоор налуу газар, хужирлаг газарт тарьсан том үндэстэй, сахлаг иш, навчтай ургамал

---

Ижил үг

НӨМРӨГ II

Холбогдох зураг одоогоор алга байна.