ЗАСРАХ  

1. Өөрийн алдаа гэмийг ухаарч арилгах, хэвийн байдалд эргэж орох: бичгийн хэв засрах (бичгийн хэв сайжирч, сайхан дэлгэрэнгүй...бичдэг болж эхлэх), зан байдал засрах (зан байдал төлөвшиж, хүмүүжих), засрах сайжрах [хоршоо] (засал авах, өмнөхөөс дээртэх) - Тэр хүн одоо сайжирч засрах нь ээ! Ж.Лодой. Бүрхэг шөнө;

---

2. Юм, үзэгдлийн байдал, төрх, өнгө, чанар дээртэж сайжрах - Ойрноос малын дэлэн овоо засрах төлөвтэй байна. “Цог” сэтгүүл., бие засрах (бие дорой байдлаас дээртэх), ногоо засрах (ногооны гарц дээшлүүлэх), өвчин засрах (өвчин эдгэрэх төлөв орох), өнгө засрах (юмны өнгө зүс үзэмж сайжрах), тэнгэр засрах (салхи шуурга тогтох, үүл бороо арилж, тэнгэр цэлмэх, дулаан тогтуун болох), яс чанар засрах (яс чанар урьдахаас дээр сайн болох).

---

• бичгийн хэв засрах - бичгийн хэв сайжирч, сайхан бичдэг болж эхлэх
• зан байдал засрах - зан байдал төлөвшиж, хүмүүжих
• засрах сайжрах - засал авах, өмнөхөөс дээртэх
• бие засрах - бие дорой байдлаас дээртэх
• ногоо засрах - ногооны гарц дээшлүүлэх
• өвчин засрах - өвчин эдгэрэх төлөв орох
• өнгө засрах - юмны өнгө зүс үзэмж сайжрах
• тэнгэр засрах - салхи шуурга тогтох, үүл бороо арилж, тэнгэр цэлмэх, дулаан тогтуун болох
• яс чанар засрах - яс чанар урьдахаас дээр сайн болох

Холбогдох зураг одоогоор алга байна.