ГУНИГ
Сэтгэлийн зовнил - Нүүрэнд нь хур гуниг шингэсэн ямар хачин хүүхэн бэ? гуниг төрөх (сэтгэл тавгүйтэн гуниглах) - Юндэнг ийнхүү олон таван үггүй хоёр тэмээ ачаагаа хөтлөөд торолзон одоход Шүрийн цээжинд гэв гэнэт их гуниг төрөх ч шиг болжээ. С. Дашдооров. Улаан гэрийн Юндэн., гуниг хурах (уйтгартай болох), гуниг гаслал [хоршоо] (уйтгар зовлон) - Нулимсгүй уйлахад гуниг гаслал нь зүрхэнд нь тарж шингэдэг юм. Ч.Лодойдамба. Тунгалаг Тамир., уй гуниг [хоршоо] (сэтгэл санааны туйлын хэцүү байдал, гутрал), уйтгар гуниг [хоршоо] (сэтгэл санааны муу байдал, шаналал зовнил) - Гармаагийн тэр инээмсэглэл, их хайр, хүсэл тэмүүлэл, бас уйтгар гуниг, ямар нэг горьдлого цөхрөл хадгалж байх шиг санагдаж, яг тэр чигээрээ сэтгэл зүрхэнд минь оршсоор. С. Зэвсэг. айлын бүсгүй., гунигийн эрвээхий амьтан (сэрүүн бүсэд тархсан нэг зүйл эрвээхий).
- гуниг төрөх - сэтгэл тавгүйтэн гуниглах
- гуниг хурах - уйтгартай болох
- гуниг гаслал - уйтгар зовлон
- уй гуниг - сэтгэл санааны туйлын хэцүү байдал, гутрал
- уйтгар гуниг - сэтгэл санааны муу байдал, шаналал зовнил
- гунигийн эрвээхэй - сэрүүн бүсэд тархсан нэг зүйл эрвээхэй
