ГАШУУДАЛ  

1. Үхэл, хагацал, өвчин зэрэг энэлэх, зовох үйл явдал тохиолдсоноос учирсан харамсал;

---

2. Нас барагсдын араас харамсал илэрхийлэх ёслол: гашуудал зарлах (гашуудах хугацааг тогтоон мэдэгдэх), дэлгэрэнгүй...гашуудал илэрхийлэх (эмгэнэл илэрхийлэх) - Хэдэн хоног өнгөрсний дараа Чин улсын хаан найртай ёсоор гашуудал илэрхийлэх сайд илгээжээ. Ш. Нацагдорж. Мандхай хатан., гашуудал тайлах (гашуудах хугацааг дуусгаж ёс гүйцэтгэх) - Тэр залууг би гашуудал тайлах ёслол дээр нүдээр хайгаад олсонгүй. Ж. Лхагва. Үдэлт., гашуудлын хөгжим (гашуудах үед хөгжимдөх уйтгарт хөгжмийн ая), гашуудлын тэмдэг (гашуудах үед хадах хар улаан өнгийн даавуу) - Олон хүн цугларсан орцны үүдэнд тулж очвол хоёр залуухан бүсгүй гашуудлын тэмдэг хүмүүсийн ханцуйд хадан өгч байлаа. П. Сандуйжав. Хүн орхичих вий., гашуудлын цуглаан (салах ёс хийх цуглаан, эмгэнэлийн цуглаан), гашуудлын цуваа (гашуудан яваа хүмүүс ёс журмаар жагсан яваа нь, салах ёс хийх олны цуваа), хүнд гашуудал (хүнд гарз) - Хүнд гашуудалд ухаан алдтал цохиулсан Эрдэнэд юу болсон тухай бодох тэнхээ байсангүй. Ч.Лодойдамба. Тунгалаг Тамир., эмгэнэл гашуудал [хоршоо] (нас барагсдын араас харамсан гашуудах нь).

---

• гашуудал зарлах - гашуудах хугацааг тогтоон мэдэгдэх
• гашуудал илэрхийлэх - эмгэнэл илэрхийлэх
• гашуудал тайлах - гашуудах хугацааг дуусгаж ёс гүйцэтгэх
• гашуудлын хөгжим - гашуудах үед хөгжимдөх уйтгарт хөгжмийн ая
• гашуудлын тэмдэг - гашуудах үед хадах хар улаан өнгийн даавуу
• гашуудлын цуглаан - салах ёс хийх цуглаан, эмгэнэлийн цуглаан
• гашуудлын цуваа - гашуудан яваа хүмүүс ёс журмаар жагсан яваа нь, салах ёс хийх олны цуваа
• хүнд гашуудал - хүнд гарз
• эмгэнэл гашуудал - нас барагсдын араас харамсан гашуудах нь

Холбогдох зураг одоогоор алга байна.