ҮЙМЭЭН  

1. Эмх замбараагүй байдал, бужигнаан: үймээн дэгдэх (замбараагүй байдал гарах), дэлгэрэнгүй...үймээн шуугиан [хоршоо] (эмх замбараагүй байдал гаргахын зэрэгцээ дуу шуу болох) - Аюур урд өдрийн хэрүүл маргаан, үймээн шуугианы тавгүйгээс болж шөнө дүлэн хар даран зүүдэлж хонов. П.Хорлоо. Багш., хөл үймээн [хоршоо] (а. Эмх замбараагүй байдал; б. Дайн дажин) - Жигтэйхэн их хөл үймээнтэй байгаа үзэгдлээ. Энэ өртөөнд чухам юу болсон нь тодорхойгүй. “Цог” сэтгүүл., үймээн сандраан [хоршоо] (олон хүний учраа олохгүй бужигнах нь);

---

2. Дайн, дажин, самуун: үймээний жил (дайн самуунтай жил) -дэлгэрэнгүй... Харин Эрдэнэ вангийн өндөр маань үймээний жил шилдэг хөвүүдийг хорих шорон болж хувирав. Ж.Дамдин. Миний монгол., дотоодын үймээн (улс дотоодод гарсан самуун, эмх замбараагүй байдал), үймээн самуун [хоршоо] (а. Эмх журамгүй, эх адаггүй байдал; б. Дайн дажин) - Зуд турхан, үймээн самуун ихтэй энэ сүрхий хатуу өвөл юутай урт юм бэ? гэж бүхэн шагширнам. Ж.Дамдин. Үймээний жил., үймээн түйвээн [хоршоо] (дайн байлдаан, дээрэм тонуул) - Алба тайван амар төвшин, үймээн түйвээнгүй юу гэж ярилцана. С.Удвал. Их хувь заяа;

---

3. Санаа сэтгэлийн тогтворгүйтэл: сэтгэлийн үймээн (санаа сэтгэл тогтворгүй болж элдэв зүйлд санаа зовох явдал).

---

• үймээн дэгдэх - замбараагүй байдал гарах
• үймээн шуугиан - эмх замбараагүй байдал гаргахын зэрэгцээ дуу шуу болох - Аюур урд өдрийн хэрүүл маргаан, үймээн шуугианы тавгүйгээс болж шөнө дүлэн хар даран зүүдэлж хонов. П.Хорлоо. Багш., хөл үймээн хоршоо а. Эмх замбараагүй байдал б. Дайн дажин
• үймээн сандраан - олон хүний учраа олохгүй бужигнах нь
• үймээний жил - дайн самуунтай жил
• дотоодын үймээн - улс дотоодод гарсан самуун, эмх замбараагүй байдал
• үймээн самуун - а. Эмх журамгүй, эх адаггүй байдал; б. Дайн дажин
• үймээн түйвээн - дайн байлдаан, дээрэм тонуул
• сэтгэлийн үймээн - санаа сэтгэл тогтворгүй болж элдэв зүйлд санаа зовох явдал

Холбогдох зураг одоогоор алга байна.