1. Юмыг санаатайгаар хэмхлэх - Гинжийг нь сүхээр эвдэн, унгаст тэрэгнээ суулган нуувай. Саган сэцэн. Эрдэнийн товч., сандал эвдэх (сандал хэмхлэх), хамгаалалтыг эвдэх (эсэргүүцэн хориглохоор барьсан цэргийн байгууламжийг сэт татах, хэмхлэх) - Улаан цэргийн хамгаалалтыг эвдэх гээд Саруул гүний хүрээний эргэн тойронд зэрэг дайралт хийв. Н.Батбаяр. Өндөрт хатгасан туг., эвдэх хэмхлэх [хоршоо] (санаатайгаар юмыг сүйтгэх, юмны бүрэн бүтэн байдлыг алдагдуулах), эвдэхэд хялбар эвлүүлэхэд хэцүү [зүйр цэцэн үг] (юмыг эвлүүлж босгох хамгаас хэцүү гэсэн санаа);

---

2. Хууль дүрэм, хэв журмыг зөрчих;

---

3. Найртай, эвтэй сайхан байдлыг бусниулах: ёс журмыг эвдэх (тогтсон ёс дэгийг зөрчих), итгэл эвдэх (итгэл алдах), эв эвдэх (эв түнжинг таслах);

---

4. Бүхэл юмыг хэсэг болгох: мах эвдэх (төхөөрсөн малын бүтэн махыг хаа гуяа зэргээр нь салгаж жижиглэх);

---

5. [хуучирсан] Албан тушаал, цол зэргийг өөрчлөх, бууруулах, доошлуулах: тушаалыг эвдэх (албан тушаал буулгах).